Biskop Koldings kopibok 1608-1615
Frå ein mikrofilm i Riksarkivet fekk Statsarkivet i Bergen for nokre år sidan papirkopi av Ny kgl. Samling 2037e 4to i Det kongelige Bibliotek, København: "Autographum Mag. Andreæ Michaelii Koldingensis quondam Episcopi Bergensis. Foræret til Selskabet af Hr. Jens Møller i Tønsberg 1752."
Ut frå denne kopien skal vi ikkje her ta på oss å gjere greie for manuskript og arkivproveniens. Men eg har sett meg føre å gi eit samandrag av innhaldet, der eg tek med alt av personnamn og stadnamn. Saman med eit par små register skulle dette kunne gi inngang til den ikkje-teologiske delen av manuskriptet.
Det er tale om knapt 190 sider. Her er 48 sider brev og notat på latin, 28 sider dansk, 3 sider tysk. Resten er talar, for det aller meste bispens ordinasjonstalar, og alt dette på latin. Boka begynner med fire sider utan paginering (her a,b,c,d) og er vidare paginert 1-189. To sider etter 105 manglar paginering (her 105b, 105c). Sidene b, d, 9, 10, 88, 169, 187 og 188 er blanke.
I samandraga nedanfor har eg skrive personnamna etter originalen, likevel slik at latiniserte førenamn får nominativsform. I registret, som er eit førenamnsregister, har eg brukt danske namneformer så langt eg kjende dei frå samtidige kjelder.
Første talen i boka opnar med eit Krysostomos-sitat: Qvando qvantum debemus ad gratiam vobis referendam dicere non valemus, dicimus qvantum possumus. Med litt omskriving får eg gjere orda til mine: Eg har gjort så godt eg kunne.
*
København, 23. januar 1608. Latin.
Tale til rektor, magister Johannes Stephanius, til doktorar
og professorar ved Universitetet, med takk særleg til Johannes Resenius
som førestod magisterdisputasen som Koldings promotor.
Bergen, 15. mars 1608. Latin.
Brev til prostane om at kongen har forordna allmenne bededagar
i Danmark og Norge 27., 28. og 29. april dette året. Kolding sender
talen som Sjællands biskop Petrus Vinstrupius har skrive, med pålegg
til prostane om å spreie den til prestane i god tid.
Bergen, 31. mars 1608. Latin.
Brev til prosten i Nordhordland om visitas. Bispen vil
visitere hos alle prestane så nær som dei to lengst unna, Matthias
på Voss og Paulus i Eivindvik. Han vil møte hos prosten i
Hamre kyrkje 10. april, hos Stephanus i Haus kyrkje 12., hos Johannes Hessius
i Lindås 14., hos Christiernus i Manger 17., hos Gabelus i Fana 19.,
og hos Martinus i Sund 21. april. Han ber prosten syte for at prestane
bur seg på visitasen.
Haus prestegard, 12. april 1608. Latin.
Brev til sokneprest Paulus i Eivindvik om at Johannes
Georgii, sokneprest i Hamre og prost i Nordhordland, har fått kall
i Stavanger. Soknemennene i Hamre har bedt både han og bispen om
å få magister Petrus Brochius, rektor ved skulen i Bergen,
til hans etterfølgjar. Bispen ber Paulus om å møte
i Hamre kyrkje 17. april i prostens stad og styre prestevalet.
Reiserute for visitasar som bispen har hatt i 1608. Latin.
I Lindås 20. mai hos Johannes Hess.
I Eivindvik hos Paulus 22. mai, der bispen sjølv
heldt preika.
Sogn len
Hos Jacobus i Vik 25. mai.
Hos Johannes Crus 27. mai.
Hos Michael i Stedje 29. mai.
Hos Daniel i Hafslo eller Følckeby 3. mai.
Hos Nicolaus i Luster 2. juni.
Hos Petrus i Lærdal 5. juni.
Hos Martinus i Aurland 7. juni.
Hos Matthias i Voss 9. juni.
Hardanger
Hos Georgius, bispens bror, i Kinsarvik 12. juni, Ullensvang 13. juni.
I Vikøy hos Henricus 15. juni.
Sunnhordlen
I Strandebarm hos Andreas 17. juni.
Hos Christiernus i Kvinnherad 19. juni.
Hos Andreas i Skånevik 21. juni, her vart han møtt av magister Laurentius Scavenius, biskop i Stavanger.
Hos Nicolaus i Etne 24. juni.
Hos Petrus i Fjelberg, og Gabriel 26. juni,
NB. Saman med broren vitja bispen Georgius Brockenhus.
Hos Petrus Alburgius 29. juni. Seinare var bispen med i bryllaupet hans i Finnås.
Hos Daniel i Finnås 3. juli. Same dag heldt herr Petrus bryllaup med dotter til Daniel.
Hos Casparus i Tysnes 6. juli.
Hos Samuel i Os 8. juli. Same dag reiste bispen heim.
Samandrag av talen som bispen heldt til kyrkjelyden
på dei første visitasane i 1608. Latin.
Bergen, 12. august 1608. Latin.
Brev til Johannes Crusius, om eit barn som vart forlate
av mora og ynkeleg omkom, og om altergang for ei kvinne som er døvstum.
Bergen, 14. september 1608. Dansk.
Brev til Johannes Crusius, prost i Sogn, om at bispen
og slottsherren Niels Vind har hatt samtalar om herr Jacob Riber som ei
tid har gjort teneste i Vik utan å ha fått kallsbrev. No kom
slottsskrivaren Lauritz Marquorsen og Jacob Riber med bøn frå
Niels Vind, som står i ferd med å reise til Stavanger, om bispen
ville skrive til prosten og be han dra inn til Vik. Dersom soknemennene
no vil kalle Jacob, skjer det med bispens samtykke.
Bergen, 17. oktober 1608. Latin.
Til Johannes Crusius. Bispens vitnemål om Jacobus
Riber og om Petrus Hven, elev ved skulen. Bispen ber prosten om å
ta denne siste til klokkar.
19. desember 1608. Latin.
Brev til sokneprest Christiernus i Kvinnherad om ei kone
som i søvne har teke livet av barnet sitt.
15. mars 1609. Latin.
Brev til prosten i Sunnfjord, Laurentius i Kinn, om soknepresten
i Jølster, Henricus Graff, som har stelt seg så tankelaust
og uforstandig. Bispen har ein prest, Georgius, som kan sendast opp som
vikar så snart han vert frisk. Om han ikkje kjem, får prosten
prøve å ordne seg med naboprestane. Vidare om Kinn kyrkjelyd
som har ytt så lite pengestøtte til skuledisiplane.
Bergen, 19. mars 1609. Dansk og latin.
Brev til sokneprest Daniel i Hafslo, sendt med Jens Hanssen
på Fylkeby, som tente hos Peder i Røym. Han fortel at han
vil ekte Maritte Lauritzdtr. som nyleg har tent hos presten, men no vil
ikkje presten trulove dei. Bispen ber han om å gjere det, om ikkje
viktige grunnar talar mot. "Det er jo bedre at hielpe til æren end
fra."
Bergen, 3. april 1609. Dansk og latin.
Brev til sokneprest Matthias, sendt med Iffuer Nielsen
på Huffland. Han klagar over at presten, som for nokre år sidan
trulova han med Lisebeth Rasmusdtr., ikkje vil lyse til ekteskap for dei.
Presten har fått høyre at ho hadde eit barn før ho
kom i leiermål med festemannen, og har meldt dette til futen. Presten
nektar dei sakramente og nektar å leie Lisebeth i kyrkja etter andre
barnefødselen. Bispen vil granske saka ved neste visitas, men ber
no presten tenkje nøye over kva han gjer.
Bergen, 5. mai 1609. Latin.
Brev til sokneprest Jacobus i Vik, med vitnemål
for Nicolaus Andreæ som er sett til klokkar i Vik. Hans talsmenn
og velyndarar har vore Egidius Petri i Kaupanger og Mauritius Busk. Med
helsing og påteikning til prosten, Johannes Crusius.
Bergen domkyrkje, 3. pinsedag 1608. Latin.
Samandrag av bispens ordinasjonstale til Petrus Brochius
som skal vere sokneprest i Hamre.
Bergen, 1. september 1608. Latin.
Tale til dei som skulle vere med på eksaminasjon
av ordinand Jacobus Mandius: herr Vilhadus Adamius, lektor magister Thomas
Johannis, og herr Petrus Fossius.
Bergen, 1. august 1608. Latin.
Bispens tale då rektoratet ved skulen vart overlate
til Johannes Georgii, etter at Petrus Brockius var kalla til anna kyrkjeleg
teneste.
Bergen, 2. september 1608. Latin.
Skisse til bispens ordinasjonstale til Jacobus Mandius
som Petrus Brochius har teke til medtenar.
Bergen, 31. juli 1609. Latin.
Brev til Georgius Michaeli, bispens bror og prost i Hardanger.
Han har fått brevet om at soknepresten i Vikøy, Henricus Johannis,
er død, og sender studenten Biornonus Coccius, son til Johannes
Kock, med vitnemål til prestevalet. Han ber om at herr Michael eller
ein av naboprestane vil gjere teneste i Vikøy i mellomtida.
Udatert, 1609. Latin.
Brev til prosten i Sunnfjord med reiserute for bispevisitas.
9. juni i Vilnes hos Matthias.
11. juni, Trinitatissøndag, i Kinn hos Laurentius.
14. juni i Selje hos Abel.
16. juni i Eid hos Johannes.
18. juni hos magister Jonas i Innvik.
21. juni hos Absolon i Gloppen.
23. juni i Jølster. (Jonsokdag i ro)
25. juni hos Videricus i Førde.
27. juni hos Johannes i Askvoll.
29. juni i Holmedal
I margen ein miletabell. Dansk.
Nordfjord
Frå Kinn til Selje 7 veke sjø
Frå Selje til Eid 5 veke sjø
Frå Eid til magister Jon 4 veke sjø
Frå Innvik til Gloppen 2 veke sjø og ein
fjerding å ri
Sunnfjord
Frå Vilnes til Kinn 3 1/2 veke sjø, av dette ein fjord på ein stor veke sjø
Frå Gloppen til Jølster, noko til hest og noko i båt, i alt omlag 2 mil
Frå Jølster til Førde 2 mil
Frå Førde og til Bru til Peder Due 4 veke sjø, og derfrå til Askvoll 2 veke sjø
Frå Askvoll til Holmedal 1 veke sjø.
Bergen, 12. juli 1609. Latin
Samandrag av bispens ordinasjonstale til Petrus Vilhelmi
og Bero Johannis. Tilstades ved eksaminasjonen: lektor magister Thomas,
magister Andreas Bechius og herr Petrus Fossius.
Bergen, 12. juli 1609. Dansk.
Brev til Christen Søfrensen, sendt med Biørn
Jenssen som er kalla til å vere sokneprest i Vikøy etter Henrick
Jenssøn. Sidan befalingsmannen på Halsnøy kloster,
Jørgen Brockenhus, ikkje er i landet og kan gi si stadfesting, ber
bispen om at Christen gjer det til dess Brockenhus kjem att.
Bergen, 31. juli 1605. Latin.
Embetseid avlagd av Ambrosius Hennings Lubecensis, sokneprest
til St. Martin.
København, 28. juni 1489. Tysk.
Erklæring frå riksrådet etter forhandling
med utsendingar frå dei vendiske byane, om innsetjing og avsetjing
av tyske predikantar i Bergen.
Antvorskov, 23. desember 1584. Dansk. Trykt i NRR II, ss.588-589.
Kongeleg missiv til lensherren og bispen om tilsyn med
dei tyske predikantane på Bryggen i Bergen.
Bergen domkapittel, 29. november 1609. Latin og tysk.
(Jfr. forhandlingsprotokollen same dag.) Forhandling med Christophorus Gypnærus som skal etterfølgje den avdøde Petrus Vesthouius som tysk prest i Bergen:
1. Bispens innlegg (s. 80-81)
2. Avskrift av embetseiden avlagd av Christophorus Gypnærus som var kalla til prest ved Mariakyrkja, med hans underskrift. Han var frå Thüringen, ved byen Neustadt. (s. 82-83)
3. Bispens stadfesting etter at eiden var avlagd. (s.
84)
Bergen, 1. søndag i advent 1609. Latin.
Svar på brev frå sokneprest Christiernus i
Kvinnherad, om kona som kjøvde barnet sitt, og om ei ekteskapssak
som gjeld stedotter til presten. Bispen rår til at han søkjer
forlik med Bartholomeus NN og med futen Christ. Severini.
Bergen, 5. desember 1609. Dansk.
Brev til lensherren om konfirmasjon på Jacob Hansens
kall til å vere sokneprest på Jølster.
15. desember 1609. Latin.
Samandrag av bispens ordinasjonstale til Johannes Nicolai
Romsdalensis, som Johannes Crusius har teke til medtenar. Tilstades ved
eksaminasjonen: lektor magister Thomas, magister Andreas Beckius og kapellan
Marcus Paludanus.
Bergen, 15. desember 1609. Dansk.
Brev til Hans Cruse, sokneprest i Leikanger og prost i
Sogn, med vitnemål om ordinasjonen av Hans Nilssen Arctander, Romsdalensis,
til medtenar i Leikanger prestegjeld.
Bergen, 19. desember 1609. Latin.
Brev til Johannes Crusius om det same. Vidare at bispen
har fått brev frå Johannes Resenius, teologiprofessor ved Universitetet,
om herr Christiernus som før var prest i Vik. Han fører klagemål
særleg over kona si, fordi han no er tvinga til å leve aleine.
Bispen ber prosten rettleie henne om ekteskapet som skal gjelde både
gode og vonde dagar.
Bergen, 23. desember 1609. Latin.
Brev til prostane om at kongen har forordna allmenne bededagar
i begge rika 6., 7. og 8. februar. Bispen sender talen som skal brukast,
og pålegg prostane å spreie den til prestane utan opphald.
NB. Påskrift til Johannes Crusius: Bispen ber om at han straks sender
brevet til soknepresten i Aurland, Martinus, og at avskrift av talen saman
med bispens brev derfrå vert sendt vidare til presten på Voss,
Matthias Johannis.
Bergen, 13. februar 1610. Dansk.
Svar på brev frå herr Michael, som er sjuk,
og som har sendt ein ung mann, Olluff Jenssen, til bispen med bøn
om å få bruke han som vikar ei kort tid. Bispen gir sitt samtykke,
og så får dei ordne det formelle når dei møtest,
om så er at presten då treng ein medtenar fast.
Bergen, 26. februar 1610. Latin.
Brev til prostane om val (electio) på prins Christian
til kongens etterfølgjar. Valet skal haldast i Oslo 15. juni, og
prostane skal møte der, kvar med to av sine prestar.
9. mai 1610. Latin.
Samandrag av bispens ordinasjonstale til Daniel Nicolai,
som soknepresten i Eivindvik, Paulus Magni, har teke til medtenar. Tilstades
ved eksaminasjonen: herr Vilhadus, magister Thomas, magister Andreas Beckius
og herr Marcus.
Bergen, juli 1610. Dansk.
Brev til sokneprest Petrus i Lærdal som ønskjer
å verte flytt til Sogndal i avdøde sokneprest Michels stad.
Han må først vende seg til prosten om dette, og kan han få
lovleg kall etter ordinansen, ser bispen gjerne at så skjer, og han
vil no skrive til prosten om det.
Bergen, juli 1610. Latin.
Brev til prosten i Sogn, Johannes Chrusius, om Sogndal
pastorat. Før han fekk brevet frå prosten, hadde han frå
herr Petrus i Lærdal fått høyre at herr Michael i Sogndal
var død. Herr Petrus har no von om å verte kalla til Sogndal,
og bispen har sagt at han stør dette, sidan prostens medtenar og
svoger Johannes er så ny i tenesta og ikkje bør flyttast enno.
Bispen har brukt denne forklaringa overfor futen i Sogn, Ægidius
Petri, som har komme med skuldingar, og han ber om at også prosten
godtek dette. Prosten vil forstå at det er vanskeleg å gå
frå gitt lovnad.
Bergen, 25. juli 1610. Latin.
Brev til Nicolaus Bugge med lovtale over prost i Sunnhordland
og sokneprest i Kvinnherad Christianus Laurentii som nyleg er død.
Bispen sender no ned ein ung mann Paulus Matthiæ med vitnemål
om hans teneste i skulen i Bergen, og ber Bugge om å fungere som
prost og følgje han til Kvinnherad. Vert han då lovleg kalla
etter ordinansen, skal bispen ta seg av resten. Etterskrift same dag, på
dansk: Dersom Bugge er forhindra, ber bispen om at han skriv til herr Anders
i Skånevik at han skal følgje Paulus og elles rette seg etter
brevet.
7. november 1610. Latin.
Samandrag av bispens ordinasjonstale til Paulus Matthiæ
som er kalla til å vere sokneprest i Kvinnherad. Tilstades ved eksaminasjonen
6. november: doktor Vilhadus, magister Thomas, magister Andreas Becchius,
herr Petrus Fossius og herr Marcus.
Bergen, 10. januar 1611. Dansk.
Svar på brev frå magister Jonas om at soknepresten
i Eid, herr Jens, er død. Der har vore folk frå Eid hos bispen
og bedt om at dei måtte få herr Abel til ny prest. Bispen har
sagt at der skal gåast fram etter ordinansen. Han set seg mot to
framlegg frå Jonas: at Eid gjeld vert delt, og at Jens Sørensen,
kapellan hos Jonas, må få eine delen, og Rasmus, kapellan i
Eid, den andre. Heller ikkje godtek han eit framlegg om at Jens Sørensen
må få Selje kall dersom herr Abel får Eid. Abel vil verte
verande i Selje så lenge borna etter herr Jens nyt nådensåret,
så det vil ta tid før noko kan avgjerast.
23. januar 1611. Latin.
Samandrag av bispens ordinasjonstale til Petrus Erasmi,
høyrar i Bergen skule, som er teken til medtenar av herr Andreas
Seutingi. Tilstades ved eksaminasjonen: lektor magister Thomas Johannis,
magister Andreas Bechius, herr Petrus Fossius og herr Marcus Paludanus.
Bergen, 31. januar 1611. Dansk.
Brev til lensherren om å stadfeste herr Albret Albretsens
kall til å vere sokneprest i Manger i avdøde herr Christens
stad. Han var ordinert av Koldings føremann, avdøde magister
Anders Foss.
Bergen, 12. februar 1611. Dansk.
Svar på brev frå herr Johannes med spørsmål
frå herr Michels enkje, om ho skal så på prestegarden
til våren, og om ho ikkje skal ha betaling for dei husa som herr
Michel har late bygge der. Bispen skriv at ho skal ha sitt nådensår
etter ordinansen. Når det gjeld husa, kjem det an på kor mykje
soknemennene har ytt til bygginga.
Bergen, 20. februar 1611. Dansk.
Brev til lensherren om å stadfeste herr Peder Pedersen av Lærdal hans kall til å vere sokneprest i Sogndal i avdøde herr Michel Michelsens stad.
NB. Notat om tilsvarande brev til lensherren 18. april
1611 om stadfesting på kapellan i Leikanger Hans Nielsen Arctanders
kall til Lærdal i herr Peders stad.
Reiseplan for visitasane 1611. Latin.
I Lindås 17. mai
I Eivindvik trinitatissøndag 19. mai
I Sogn
I Vik kyrkje 22. mai
I Leikanger kyrkje 24. mai
I Sogndal 26. mai
I Hafslo hos herr Daniel 28. mai
I Luster hos herr Nicolaus 30. mai
I Lærdal 2. juni
I Aurland 4. juni
I Voss 7. juni
I Hardanger
I Granvin eller Ulvik hos herr David 11. juni
I Kinsarvik eller Ullensvang 13. juni
I Sunnhordland prosti
I Strandebarm 18. juni
I Kvinnherad 20. juni
I Skånevik 22. juni
I Etne 24. juni
I Fjelberg 28. juni
I Stord 30. juni (2)
I Finnås 2. juli (1)
I Tysnes 4. juli
I Os 7. juli
Bergen, 20. april 1611. Latin.
Brev til prosten i Sunnhordland om visitasen. Bispen vil
vere i Strandebarm 18. juni (osv. som ovanfor), og han ber prosten syte
for at prestane bur seg til visitasen.
Bergen, 24. april 1611. Latin.
Brev til prosten i Nordfjord, magister Jonas, om pengestøtte
til svenskekrigen. Etter pålegg frå kongen sender han avskrift
av kongebrevet under si hand, og ber prosten kvittere for den.
Notat om at bispen 9. juli 1611 har sendt
lensherren vitnemål om herr Jørgen Jacobsen i Haus. Dansk.
Bergen, 16. juli 1611. Dansk.
Brev til lensherren om å stadfeste herr Pouell Matsens
kall til å vere sokneprest i Kvinnherad i avdøde herr Christen
Lauritsens stad.
Bergen, 16. juli 1611. Dansk.
Svar på lensherrens brev med pålegg frå
stathaldaren om skatt av bispens jordegods, og om prestar som skal følgje
det utskrivne krigsfolket, ein frå kvart len. Bispen vil skatte av
sitt kapittelsgods om det vert kravt. Men han kan ikkje skrive ut fem prestar
utan pålegg frå kongen.
Bergen, 7. desember 1611. Latin.
Brev til Johannes Chrusius om Aurland pastorat. Bispen
har fått brevet om at soknepresten i Aurland, Martinus Matthiæ,
er død. Han sender ein ung mann, Theophilus Theophili, høyrar
i Bergen skule, og ber prosten følgje han til Aurland. Vert han
lovleg kalla etter ordinansen, skal bispen ordne resten. I mellomtida har
han sendt herr Laurentius Johannis dit som vikar.
Bergen, 23. desember 1611. Dansk.
Brev til herr Hans Cruse om at han skal møte for
domkapitlet i Bergen seinast 14. januar 1612. (Jfr. forhandlingsprotokollen
3.-13. mars 1612.)
16. april 1612. Dansk.
Notat om at bispen har sendt lensherren Niels Vind si
tilråding om herr Jacob Mand som er kalla til å vere sokneprest
i Aurland.
Reiseplan for visitasane i Sunnfjord og Nordfjord 1612. Latin.
I Vilnes hos herr Mathias 5. juni
I Kinn hos herr Laurentius 7. juni som er Trinitatissøndag
I Selje 10. juni
I Eid 14. juni. NB. Ålfoten og Torheim
I Innvik 18. juni
I Gloppen 21. juni
I Jølster 23. juni
I Førde 24. juni. Jonsokdag
I Askvoll kyrkje 28 . juni
I Holmedal 30. juni
13. mai 1612. Latin.
Bispens tale ved ordinasjonen av Magnus Abelis. Tilstades
ved eksaminasjonen: doktor Vilhadus, herr Petrus Fossius og herr Marcus
Paludanus.
Bergen, 15. mai 1612. Dansk.
Brev til lensherren om å stadfeste Mogens Abelsens
kall som sokneprest i Selje.
25. november 1612. Latin.
Notat om bispens ordinasjonstale til Abel Erasmi som herr
Petrus Brockius har teke til medtenar. Tilstades ved eksaminasjonen: magister
Thomas, magister Andreas Beck, herr Petrus Fossius og herr Marcus Paludanus.
Bergen, 16. februar 1613. Latin.
Brev til Andreas Jonæ, sokneprest i Skånevik
og prost i Sunnhordland om Strandebarm pastorat som no er ledig etter avdøde
Andreas Seutingus. Soknemennene ønskjer kapellanen hans, Petrus
Erasmi, som ny sokneprest. Bispen gir han sitt vitnemål og ber om
å få seg tilsendt kallsbrev.
16. mars 1613. Dansk.
Notat om at bispen har sendt Niels Vind tilråding
om herr Peder Rasmussen som er kalla til sokneprest i Strandebarm.
Bergen, 3. mars 1613. Latin.
Brev til prostane om at svenskekrigen er slutt. Dette
skal etter kongens påbod gjerast kjent for alle prestane, og dei
skal halde takketalar i kyrkjene.
Bergen, 29. april 1613. Latin.
Brev til Johannes Crusius om at bispen vil gjere si tredje
visitasreise i Sogn. Han vil vere i Leikanger kyrkje 2. juni, i Sogndal
3. juni, Hafslo 6. juni, Luster 8. juni, Lærdal 10. juni, Aurland
12. og i Vik på reisa attende .. juni. Prosten skal gjere dette kjent
for prestane.
Bergen, 4. mai 1613. Dansk.
Brev til Hans Glad om at han i slottsherren Niels Vinds
fråver vil stadfeste Hans Nielsen Bugges kall som sokneprest i Etne
etter faren, avdøde Niels Bugge. Han vart ordinert til kapellan
i Etne for nokre år sidan av Koldings føremann, avdøde
magister Anders Foss, og har sidan gjort teneste der.
Bergen, 14. august 1613. Latin.
Brev til prosten i Sunnhordland om at soknepresten i Etne,
Johannes Bugge, har teke ein ung mann Georgius Bang til klokkar med samtykke
frå prosten og kyrkjelyden. Bispen ber prosten om å sjå
til at han får dei inntektene som i si tid vart fastsette av lensherren
Laurentius Cruse og bispen magister Andreas Fossius.
Bergen, 14. august 1613. Latin.
Brev til prostane om at pålegget om krigsskatt i
to år framleis skal gjelde. Han sender avskrift av kongebrevet om
dette og ber om at det straks vert sendt vidare til dei andre prestane,
og at dei rettar seg etter det.
3. november 1613. Latin.
Samandrag av bispens ordinasjonstale til Petrus Johannis
Bergensis som er teken til medtenar av soknepresten på Voss, Matthias
Johannis. Tilstades ved eksaminasjonen: doktor Vilhadus, magister Andreas
Beccius, lektor designatus og magister Erasmus og herr Petrus Fossius.
Reiseplan for visitasane gjennom Voss til Hardanger
og Sunnhordland 1614. Latin.
I Hardanger
I Granvin 7. juni onsdag (!)
I Kinsarvik 13. juni
I Vikøy 16. juni torsdag
I Sunnhordland
I Strandebarm 19. juni søndag
I Kvinnherad 22. juni onsdag
I Skånevik 24. juni fredag
I Etne 26. juni søndag
I Fjelberg 28. juni tysdag
I Finnås 13.(!) juni torsdag
I Stord 2. juli laurdag
I Tysnes 3. juli søndag. Innskot: sjå til M. (kanskje
Martinus i Sund, sjå neste brev)
I Os 6. juli onsdag
Bergen, 17. april 1614. Latin.
Brev til herr Vilhelmus om Sund pastorat. Soknepresten
i Sund, Martinus Johannis, er nyleg død. Der er fleire kandidatar
til kallet, men bispen har rådført seg med lensherren, og
dei ber no herr Vilhelmus skunde seg hit før bispen dreg på
visitas.
Bergen, 30. mai 1614. Latin.
Brev til Laurentius Henrici, sokneprest i Kinn, om Laurentius
N. Krogius som har vore prest i Holmedal i kring 60 år og no vil
resignere. Bispen har rådført seg med lensherren om ein etterfølgjar.
Han sender rektor ved Bergen skule, Johannes Georgii, til Holmedal søndag
5. juni og ber prosten møte der og sjå til at alt går
etter ordinansen.
20. august 1614. Latin.
Bispens ordinasjonstale til Johannes Georgii som i 6 år
har vore rektor i Bergen skule, og som no har fått prestekall. Rektoratet
skal overlatast til magister Christianus Brusius som har fått si
opplæring ved Universitetet hos Johannes Resenius og Cunradus Aslachi.
24. august 1614. Latin.
Notat om at herr Johannes Georgii vart ordinert denne dagen saman med herr Canutus Nicolai Bangius, som herr Petrus Brockius har teke til medtenar. Same dag trulova bispen dotter si med Petrus. Dagen før var desse med bispen på kapitlet og eksaminerte herr Canutus: doktor Vilhadus, lektor magister Erasmus Assenius og herr Petrus Fossius.
Kort samandrag av bispens ordinasjonstale 24. august.
Bergen, 13. desember 1614. Latin.
Brev til prosten i Sunnhordland om Fjelberg pastorat som
er ledig etter avdøde Petrus Andreæ. Soknemennene har bedt
om å få kapellanen hans, Gabriel Andræ, til ny sokneprest,
og bispen ber prosten sjå til at valet går etter ordinansen.
21. desember 1614. Latin.
Kort notat om bispens ordinasjonstale til Christiernus
Johannis og Theophilus Theophili, begge høyrarar i skulen.
Side 189 (siste innførsla i boka, bispen er død 4. august 1615). Latin.
Reiseplan for visitasane i Sunnfjord og Nordfjord 1615.
2. juni fredag i Lammetun
4. juni trinitatissøndag i Bru, 2 1/2 mil frå Lammetun
8. juni torsdag i Selje, 8 mil frå Bru kyrkje
11. juni søndag i Eid, 6 mil frå Selje kyrkje
13. juni tysdag i Gloppen, 3 mil frå Eid kyrkje
15. juni torsdag i Innvik, 2 mil frå Gloppen kyrkje
18. juni søndag i Jølster, omlag 4 mil frå Innvik kyrkje
20. juni tysdag i Førde, 3 1/2 mil frå Jølster kyrkje
22. juni torsdag i Askvoll, 4 mil frå Førde kyrkje
24. juni jonsokdag i Holmedal, 1 mil frå Askvoll
kyrkje
***
Abel Rasmussen, kapellan i Hamre 146
Abel, sokneprest i Selje 60, 119
Absolon, sokneprest i Gloppen 60
Albret Albretsen, sokneprest i Manger 125
Ambrosius Hennings Lubecensis, sokneprest til St. Martin 72
Anders Beck, magister, sokneprest i Domkirken 69, 93, 105c, 118, 124, 146, 164
Anders Foss, magister, biskop i Bergen 125, 153, 156
Anders Jonsen, sokneprest i Skånevik, prost i Shl. 16, 111, 147, 155, 185
Andreas Seutingus, sokneprest i Strandebarm 16, 122, 147
Aurland 16, 99, 128, 135, 136, 152
Bartholomeus NN 85
Biørn Jenssen Kock, student, ordinand, sokneprest i Vikøy 58, 61, 70
Bryggen i Bergen 76
Caspar, sokneprest i Tysnes 16
Christen, sokneprest i Manger 12, 125
Christen, tidlegare sokneprest i Vik 96
Christen Bruse, magister, rektor i Bergen 172
Christen Jenssen, høyrar i skulen, ordinand 186
Christen Lauritssen, spr. i Kvinnherad, prost i Shl. 16, 26, 85, 109, 129, 132
Christian V., prins 100
Christophorus Gypnærus, sokneprest til St. Maria i Bergen 80, 82
Daniel, sokneprest i Finnås 16
Daniel, sokneprest i Hafslo 16, 29, 128
Daniel Nielssen, kapellan i Eivindvik 102
David, sokneprest i Ulvik 128
Etne 16, 109, 128, 130, 153, 156, 165
Fana 12
Fjelberg 16, 128, 130, 165, 185
Fredrik II. 76
Gabriel Anderssen, kapellan i Fjelberg 16, 185
Geble, sokneprest i Fana 12
Georgius, prest i Bergen, på tale som vikar i Jølster 28
Georgius Bang, klokkar i Etne 156
Gjøde (Egidius) Pedersen i Kaupanger, fut i Sogn 32, 107
Halsnøy kloster 70
Hans Kruse, sokneprest i Leikanger og prost i Sogn 16, 21, 23, 25, 32, 89, 93, 94, 96, 99, 107, 126, 135, 136, 152
Hans Glad, lagmann 153
Hans Hess, sokneprest i Lindås 12, 16
Hans Jørgensen, rektor, ordinand, sokneprest i Holmedal 41, 167, 170, 182
Hans Nilssen Arctander, Romsdalensis, kapellan i Leikanger, prestens svoger, sokneprest i Lærdal 89, 94, 107, 127
Hans Nilssen Bugge, sokneprest i Etne, før kapellan der 153, 156
Hans Resen, doktor, teologiprofessor 6, 96, 172
Haus prestegard 15
Henrich Graff, sokneprest i Jølster 27
Henrich Jenssen, sokneprest i Vikøy 16, 58, 70
Huffland 30
Iffuer Nielssen på Huffland 30
Jacob Hanssen, sokneprest i Jølster 86
Jacob Mand, ordinand, kapellan i Hamre, sokneprest i Aurland 40, 53, 136
Jacob Riber, sokneprest i Vik 16, 23, 25, 32
Jens, sokneprest i Eid 60, 119
Jens Hanssen på Fylkesbygdi 29
Jens Sørensen, kapellan i Innvik 120
Johannes Georgii, sokneprest i Hamre og prost i Nordhordland 12, 14
Johannes Stephanius, magister, universitetsrektor 5
Johannes, sokneprest i Askvoll 60
Jon, magister, sokneprest i Innvik, prost i Nordfjord 60, 119, 131
Jørgen Brockenhus, befalingsmann over Halsnøy kloster 16, 70
Jørgen Jacobsen, prest i Haus 132
Jørgen Michelsen, spr. i Kinsarvik, prost i Hardanger, bispens bror 16, 58
Kaupanger 32
Knud Nielssen Bang, kapellan i Hamre 182
Kurt Aslaksen, doktor, København universitet 172
Kvinnherad 16, 26, 85, 109, 112, 128, 130, 132, 165
Lammetun 189
Laurentius Johannis, vikar for sokneprest i Aurland 135
Laurentius Scavenius, Stavanger biskop 16
Laurits Henrichsen, sokneprest i Kinn, prost i Sunnfjord 27, 60, 137, 167
Laurits Kruse, slottsherre 156
Laurits Marquorsen, slottsskrivar på Bergenhus 23
Laurits Nielssen Krog, sokneprest i Holmedal 167
Leikanger 16, 21, 89, 94, 127, 128, 136, 152
Lisebeth Rasmusdtr. 30
Lübeck 76
Lærdal 16, 106, 107, 127, 128, 152
Mads, sokneprest i Vilnes 60, 137
Mads Jenssen, sokneprest på Voss 12, 16, 99, 158
Marcus Paludanus, kapellan i Domkirken 93, 105c, 118, 124, 143, 146
Maritte Lauritsdtr. i Hafslo 29
Matthias, sokneprest i NN 30
Maurits Busk 32
Michel, tidlegare sokneprest i Vikøy, på tale som vikar der 59
Michel Michelsen, sokneprest i Sogndal (Stedje) 16, 100, 106, 107, 126, 127
Mogens Abelsen, ordinand, sokneprest i Selje 12, 166
Morten Johannessen, sokneprest i Sund 12, 166
Morten Madssen, sokneprest i Aurland 16, 99, 135
NN enkje etter sokneprest Michel i Sogndal 126
NN Andersdtr. Kolding, bispens dotter 182
NN Danielsdtr., preste dotter i Finnås 16
Neustadt i Thüringen 83
Nicolaus Andreæ, klokkar i Vik 32
Niels, sokneprest i Luster 16, 128
Niels Bugge, sokneprest i Etne 16, 109, 154
Niels Vind, slottsherre på Bergenhus 23, 136, 148, 154
Oluf Jenssen, hjelpeprest hos soknepresten i Sogndal 100
Oslo 100
Peder Aalborg, sokneprest i Stord 16
Peder Broch, magister, rektor, sokneprest i Hamre 14, 33, 41, 53, 182
Peder Due på Bru, fut i Sunnfjord 60
Peder Foss, sokneprest i Korskirken 40, 69, 118, 124, 143, 146, 164, 182
Peder Johannessen Bergensis, kapellan på Voss 158
Peder Pedersen, sokneprest i Lærdal, seinare i Sogndal 16, 106, 107, 127
Peder Rasmussen, høyrar i Bergen skule, spr. i Strandebarm 122, 147, 148
Peder Røym i Hafslo 29
Peder Vinstrup, doktor, Sjællands biskop 11
Petrus Andreæ, sokneprest i Fjelberg 16, 185
Petrus Hven, elev ved skulen, på tale som klokkar i Sogn 25
Petrus Vesthouius, sokneprest til St. Maria i Bergen 80
Petrus Vilhelmi, ordinand 61
Pouel Matssen, sokneprest i Kvinnherad 110, 112, 132
Pouel Mogenssen, sokneprest i Eivindvik 12, 14, 16, 102
Rasmus, kapellan i Eid 120
Rasmus Assens, magister, lektor 164, 182
Røym i Hafslo 29
Samuel, sokneprest i Os 16
Skånevik 16, 111, 128, 130, 147, 165
Sogndal 100, 106, 107, 126, 127, 128, 152
St. Maria kyrkje i Bergen 80
St. Martin kyrkje i Bergen 72
Stedje 16
Steffen, sokneprest i Haus 12
Strandebarm 16, 122, 128, 130, 147, 148, 165
Theophilus Theophili, høyrar i Bergen skule, ordinand 135, 186
Thomas Hanssen, magister, lektor 40, 69, 93, 105c, 118, 124, 146
Thüringen 83
Torheim i Ålfoten 137
Ulvik 128
Vendiske byar, utsendingar frå 73
Viderik, sokneprest i Førde 60
Villads Adami, doktor 40, 105c, 118, 143, 164, 182
Vilhelmus, prest i Sund 166
Ålfoten 137
Altergang for døvstum 21
Bryllaup i Finnås 16
Klokkarar 155
Kongeval 100
Krigsskatt 157
Kyrkjeverjer i Eid 119
Nekting av sakramente 30
Ordinasjonstale 33, 53, 61, 89, 102, 112, 122, 138, 158, 170, 182
Pengestøtte til skuledisiplane 27
Prestar til krigsfolket 133
Prestegardshus i Sogndal 126
Riksrådet 73
Skatt av bispens jordegods 133
Skatt til Svenskekrigen 131
Slottsherren 23, 86, 119, 125, 127, 132, 133, 136, 144, 148, 154, 156, 166, 167
Stathaldaren 133
Takketalar i kyrkjene 149
Tale ved innsetjing i rektoratet 41
Tyske predikantar i Bergen 73, 76
Utskriving av krigsfolk 133
Visitas 12, 16, 60, 128, 129, 137, 152, 165, 189
Visitastale 17